کسی نے سچ ہی کہا ہے زرا نم ہو تو یہ مٹی بڑی زرخیز ہے ساقی۔ اور اس بات کا منہ بولتا ثبوت پاکستانی کھلاڑیوں کی کامن ویلتھ گیمز میں بہترین پرفارمنس ہے۔
جیسا کہ آپ سب جانتے ہیں نوح بٹ نے ویٹ لفٹنگ کے مقابلوں میں سونے کا تمغہ حاصل کر لیا اور شاہ حسین نے جوڈو میں برابز میڈل اپنے نام کیا تھا۔
یہی وجہ ہے کہ اب ان پر انعامات کی برسات ہو رہی ہے جبکہ اس وقت سوشل میڈیا پر ایک خبر گردش کر رہی ہے کہ قومی کرکٹ ٹیم کے کپتان بابر اعظم نوح کو 20 لاکھ تحفے کے طور پر دیں گے۔
یہی نہیں بابر کی جانب سے ایک پوسٹ بھی سامنے آئی ہے جس میں وہ کہہ رہے ہیں کہ مجھے اپنے اسٹارز پر بہت فخر ہے۔ ان تمام ایتھلیٹس کو مناسب اسٹرکچرل سپورٹ اور اسٹیٹ آف دی آرٹ سہولیات کی ضرورت ہے۔
اس کے علاوہ پاکستان اسپورٹس بورڈ (پی ایس بی) نے ان دونوں کھلاڑیوں کیلئے بھی انعامی رقم کا اعلان کر دیا ہے جس کے مطابق نوح بٹ کو 50 لاکھ، شاہ حسین کو 10 لاکھ یہی نہیں اگر کوئی شخص کانسی کا تمغہ جیتے گا تو اسے 20 لاکھ روپے دیے جائیں گے۔
آخر میں آپکو یہ بھی بتاتے چلیں کہ ڈی جی پی ایس بی کرنل ریٹائرڈ آصف زمان نے یہ بھی کہا کہ برمنگھم سے واپس وطن لوٹنے پر ان دونوں کھلاڑیوں کا شاندار استقبال کیا جائے گا۔