ٹوتھ برش کو زیادہ سے زیادہ تین مہینے استعمال کرنا چاہیے۔ لیکن پرانے ٹوتھ برشز کو پھینکنے کے بجائے ان سے بہت سے کام لیے جاسکتے ہیں جو ہم آپ کا اس آرٹیکل میں بتائیں گے

صفائی

اپنے چھوٹے سائز کی وجہ سے ٹوتھ برش ایسی چیزوں کو صاف کرسکتا ہے جہاں ہاتھ یا کوئی دوسری چیز نہیں پہنچتی۔ جیسے بیسن کا نل۔ دروازے کے کنڈے اور باورچی خانے میں فوڈ پروسیسر کی مشین۔

پالش

اگرچہ جوتوں کی پالش کے لئے الگ سے برشز ہوتے ہیں لیکن ٹوٹ برش سے پالش کرنے سے جوتے کے کناروں پر بھی اچھی طرح پالش کی جاسکتی ہے اس کے علاوہ یہ نازک اور ڈیزائن والے فرنیچر پالش کرنے کے لئے بہترین ہیں

< کی بورڈ اور کمپیوٹر/h1>

کمپیوٹر اور خاص طور پر کی بورڈ کے درمیان صفائی کرنا بہت مشکل ہے۔ ان کے لیے بھی پرانا ٹوٹھ برش کام آسکتا ہے۔ اس کے علاوہ کھڑکیوں کے فریم بھی اس سے چمکائے جاسکتے ہیں

ڈریسنگ ٹیبل

ایک پرانا ٹوٹھ برش ڈریسنگ ٹیبل کی دراز میں رکھ دیں۔ یہ وقت ضرورت آپ کے بہت کام آئے گا۔ آئی برو برش سے لے کر جیولری کی صفائی یا پالش کے لیے اس کو استعمال کرسکتے ہیں

گملوں پر پینٹ کریں

اگر آپ گملوں کو پینٹ کرنے کا ارادہ رکھتے ہیں تو اس کے لیے بھی یہ برشز کار آمد ہیں اس کے علاوہ گھر میں بچے ہوں تو پینٹنگ کے لیے انھیں بھی یہ برش دیے جاسکتے ہیں

کپڑوں کے داغ

کپڑوں پر ایسا کوئی داغ آجائے جو نہ نکل رہا ہو تو اس کو ہلکے ہاتھوں سے پرانے برش سے صاف کریں