آپ کو بھی بُلا رہی ہوں ۔۔ اداکارہ منال خان کی شادی کب ہے؟ کارڈ شیئر کردیا

شادیوں کا موسم چل رہا ہے، کہیں لوگ گھروں میں شادیاں کر رہے ہیں تو کہیں شادی ہالز کی بکنگ کروانے کے لئے گھوم رہے ہیں۔ کوئی ایسا گھر نہیں ہے جہاں شادی کی تقریب کی تیاریاں نہ چل رہی ہوں۔ کچھ وقت اداکارہ منال خان کی بھی بات پکی ہوئی تھی اور رسم کی تصاویر بھی وائرل ہوئی تھیں۔ اب ان کے شادی کے کارڈ کی تصویر بھی منظرِ عام پر آگئی ہیں۔

اداکار احسن محسن اکرام نے شادی کا کارڈ شیئر کرتے ہوئے لکھا ہے کہ: '' میرا دل ہمیشہ کے لئے تمہارا ہونے والا ہے، اب ہم جلد ایک ہونے والے ہیں۔ ''

اداکارہ منال خان نے بھی شادی کا کارڈ شیئر کرتے ہوئے کیپشن میں لکھا ہے کہ: '' آپ کو بھی بُلا رہی ہوں، ساتھ ہی انہوں نے اپنے ہونے والے شوہر احسن محسن اکرام کو بھی ٹیگ کیا ہے۔ ''

ان کی شادی کی تاریخ جاننے کے لئے لوگوں نے کمنٹس میں سوالات بھی کیئے ہیں البتہ دونوں کی جانب سے شادی کی تاریخ نہیں بتائی گئی ہے۔ امید یہ ظاہر کی جا رہی ہے کہ جب شادی کارڈ آگیا ہے تو جلد ہی شہنائی بجنے والی ہے۔