کراچی سے چوری ہونے والی موٹر سائیکلوں کو قبرستان میں چھپائے جانے کا انکشاف

شہر قائد میں چوری، ڈکیتی کی وارداتیں دن بہ دن بڑھتی جا رہی ہیں ، اگر ہم یہاں صرف موٹر سائیکلوں کی چوری کی بات کریں تو چوری ہونے والی اشیاء میں سر فہرست موٹر سائیکل ہی ہیں، ایس ایس پی کیماڑی فدا حسین جانور ی کے مطابق انہی وارداتوں کو روکنے اور چوری شدہ موٹر سائیکلیں برآمد کروانے کیلئے سائیٹ انڈسٹریل ایریا کے سائیٹ بی تھانے (شیر شاہ) کی پولیس پارٹی نے ایس ایچ او چوہدری شاہد محمود کے ہمراہ پراچہ قبرستان میں کارروائی کی جہاں سے ایک خفیہ گودام پکڑا گیا جس میں شہر بھر سے چوری کی گئی موٹر سا ئیکلیں چھپائی جاتی تھیں ۔

کارروائی کے دوران خفیہ گودام سے 10 چھینی گئی موٹر سائیکل برآمد کر لی گئیں اور 3 ملزمان کو بھی گرفتار کر لیا گیا اور برآمد کی گئیں موٹر سائیکلوں کے بارے میں پولیس حکام نے بتایا ہے کہ یہ موٹر سائیکلیں سائیٹ، بلدیہ،بوٹ بیسن،نیو کراچی، رسالہ، چاکیواڑہ،شیر شاہ، خواجہ اجمیر نگری اور نیو کراچی کےانڈسٹریل ایریا سے چھینی گئی ہیں