شادی سے قبل ہونے والی رسومات میں منگنی کی رسم کو سب سے پہلا اور اہم مقام حاصل ہے، اس میں لڑکا کو لڑکی کی طرف سے جبکہ لڑکی کو لڑکے والوں کی طرف سے کچھ قیمتی تحائف کے ساتھ ایک انگوٹھی بھی پہنائی جاتی ہے جس سے دونوں ایک خوبصورت رشتے سے بندھ جاتے ہیں۔

بالکل ایسے ہی ہمارے اداکار ہیں، آئیے آج بتاتے ہیں آپ کو ان کی مہنگی اور حسین منگنی کی انگوٹھیوں سے متعلق چند باتیں۔

سجل علی

سجل علی کی منگنی کی انگوٹھی بھی لوگوں کو خوب پسند آئی تھی، ان کی انگوٹھی کا ڈیزائن منال اور منشا سے ملتا جلتا ہے، مگر ان کی منگنی کی انگوٹھی کی قیمت 15 لاکھ روپے تھی جوکہ ڈیزائنر عاصم جوفہ کے جیولر سے بنوائی گئی تھی۔

منشا پاشا

اداکارہ منشا پاشا جن کا حال ہی میں جبران ناصر سے نکاح ہوا ہے، ان کی منگنی کی انگوٹھی بھی ہیرے کی ہے جو جبران نے منشاء کو پہنائی تھی اور یہ ان دونوں کی پسند کی بتائی جاتی ہے، اس کی قیمت واضح طور پر نہیں بتائی جاسکتی مگر یہ بہترین ہیرے کی بتائی جاتی ہے جس کی قیمت 40 لاکھ سے قریب ہوسکتی ہے۔ اس بارے میں منشا یا جبران نے خود کچھ بھی نہیں بتایا ہے۔

منال خان

اداکارہ منال خان کی منگنی احسن محسن اکرام سے کچھ ماہ قبل ہوئی تھی جس کی تصاویر سوشل میڈیا پر خوب وائرل ہوئیں تھیں، ان کی منگنی کی انگوٹھی ہیرے کی بتائی جاتی ہے جس کی کل قیمت 50 لاکھ روپے ہے جوکہ احسن کی پسند کی انگوٹھی ہے۔ بہرحال منال اور احسن نے اس انگوٹھی سے متعلق کھل کر واضح نہیں بتایا۔