کراچی میں آنے والے طوفان سے متعلق اہم خبر آگئی

محکمہ موسمیات کے مطابق تاؤتے نامی طوفان سے ہماری سا حلی پٹی کو کئی خطرہ نہیں جبکہ سمندری طوفان کراچی کے جنوب اور جنوب مشرق سے1220کلومیٹر کے فاصلے پر ہے جبکہ طوفان کے مرکز میں ہواؤں کی رفتار 100 سے 120 کلو میٹر فی گھنٹہ ہے تاہم تاؤتے نے اپنا رخ تبدیل کرلیا ہے۔

انہوں نے کہا کہ کراچی میں پچھلے کچھ دنوں سے پڑنے والی گرمی بھی اسی طوفان ہی کی وجہ سے ہے مگر آج بھی موسم شدید گرم اور مرطوب رہے گا۔

مزید یہ کہ پارہ 43 سے 44 ڈگری سینٹی گریڈ تک جانے کا امکان ہے۔

اس کے علاوہ محکمہ موسمیات کے ڈائریکٹر سردار سرفراز نے کہا ہے کہ سمندری طوفان کراچی سے دور نکلتا جارہا ہے اس لیے شہر میں بارش کا کوئی امکان نہیں ۔

البتہ سندھ کے ان علاقوں میں جیساکہ تھرپارکر، میرپور خاص، بدین، ٹھٹھہ اور عمر کوٹ میں آندھی اور گرج چمک کے ساتھ بارش کا امکان ہے جہاں تھرپارکر میں تیز بارش متوقع ہے جب کہ اس دوران 40 سے 60 کلو میٹر فی گھنٹہ کی رفتار سے ہوائیں بھی چل سکتی ہیں۔