گزشتہ ہفتے کورونا سے انتقال کرنے والی معروف اداکارہ اور بشریٰ انصاری اور اسماء عباس کی بہن سنبل شاہد کی وفات کا اُن کے والدہ کو معلوم نہیں ہے۔
شوبز انڈسٹری کی مقبول اداکارہ اسماء عباس نے کہا ہے کہ اُن کے والدہ کو سنبل شاہد کے انتقال کے بارے میں معلوم نہیں ہے۔
اسماء عباس نے سوشل میڈیا ویب سائٹ انسٹاگرام پر اپنی بیمار والدہ کے ہمراہ لی گئی تصویر شیئر کی ہے جس میں والدہ سے اظہارِ محبت کرتے ہوئے اُنہیں بوسہ دے رہی ہیں۔
اداکارہ نے اپنی پوسٹ کے کیپشن میں لکھا کہ خُدا! میری والدہ کی پریشانی اور تکلیف دور کرے۔
اسماء عباس نے اپیل کرتے ہوئے لکھا کہ براہِ کرم!میری والدہ کی صحتیابی کے لیے دُعا کریں۔
خیال رہے کہ اسماء عباس ک علاوہ ان کی بڑی بہن بشریٰ انصاری بھی اکثر اپنے سوشل میڈیا پیغامات میں والدہ کی صحتیابی کے لیے دُعا بھی کرتی ہوئی نظر آتی ہیں۔