کیا آپ کو معلوم ہے کہ جہاز کی کھڑکی میں یہ سوراخ نما حصہ کیوں بنایا جاتا ہے؟

دنیا بلکہ آپ کے ارد گرد ہی ایسی کئی چیزیں موجود ہوتی ہیں جنھیں ہم دیکھ کر بھی نہیں دیکھتے اور نہ ہی اس چیز کے بارے میں معلوم ہوتا ہے کہ آخر وہ کس لیے ہیں۔

تو بتائیں کیا آپ جانتے ہیں کہ طیارے کی کھڑکیوں میں ننھا سوراخ کیوں ہوتا ہے؟ شاید بہت ہی کم لوگوں کو اس حوالے سے معلوم ہو کہ لیکن پھر بھی ہم آپ کو بتا دیتے ہیں۔

پلاسٹک گلاس کے دو ٹکڑوں کو جہاز کی کھڑکیوں کے شیشے کی تیاری کے لیے استعمال کیا جاتا ہے، اس کا اندرونی شیشہ ممکنہ طور پر طیارے کے کیبن اور باہر کے دباؤ کے باعث ٹوٹ سکتا ہے، اس میں موجود چھوٹا سا سوراخ ہوا کو دونوں شیشوں اور کیبن کے درمیان ہوا کو گزرنے میں مدد فراہم کرتا ہے، جس سے دباؤ متوازن ہوجاتا ہے اور شیشہ نہیں ٹوٹتا۔