بھارتی اداکار عرفان خان کی قبر کی تصاویر کیوں وائرل ہو رہی ہیں؟ مداح اداس

بھارتی فلم انڈسٹری کے مایہ ناز اداکارعرفان خان کے بیٹے بابِل خان نے مداحوں کی تنقید کے بعد اپنے والد کی قبرکی نئی تصویر سوشل میڈیا پر پوسٹ کی ہے۔

یاد رہے کہ دو روز قبل بالی ووڈ کے آنجہانی اداکار عرفان خان کی قبر کی تصویر وائرل سوشل میڈیا پر ہوئی تھی جس میں ان کی قبر کو گھاس پھونس اور جنگلی بیلوں میں گِھرا ہوا دکھایا گیا تھا۔

Was missing irrfan since yesterday, beating myself for not having gone to his tomb for 4 months. Today i went ,there he was resting alone with no-one around with plants. In silence. I left him some Rajnigandha and took a piece of him back with his blessings. So long #IrrfanKhan pic.twitter.com/3xzoAS7zzZ

— Chandan Roy Sanyal (@IamRoySanyal) September 20, 2020

اس حوالے صارفین نے دکھ کا اظہارکیا تھا کہ اتنے بڑے اداکار کی قبر کا یہ حال ہے اور کوئی دیکھ بھال کرنے والا نہیں۔

اس حوالے سے عرفان خان کے بیٹے بابل خان نے انسٹاگرام پر نئی تصویر پوسٹ کی ہے جس میں قبر کے اطراف سے گھاس پھونس اور جنگلی بیلوں کو کو اُکھاڑ دیا گیا ہے اور ان کا دوسرا بیٹا ایان قبر پر پانی ڈال رہا ہے۔

مزید بابل نے مداحوں سے کہا ہے وہ یہ سمجھنے کی کوشش کریں کہ ان کے والد یعنی عرفان خان کو ہمیشہ قدرتی ماحول میں گھاس، پودوں اور درختوں میں رہنا پسند تھا جبکہ ان کی آخری آرام گاہ کے آس پاس سے کچرے اور پلاسٹک کا صفایہ کردیا گیا ہے۔

View this post on Instagram

Baba liked it wild, Ayaan is staying strong :* mamma recently wrote about the wilderness around when some of his fans were worried that it looked unkempt, I need you to understand, he always always wished to be surrounded by the grass and the plants and the trees. Waste and plastic is always removed from that wilderness. Here’s what my beautiful mamma wrote: “Women are not allowed in Muslim graveyards. Hence, I have planted the raat Ki Rani in Igatpuri where I have a memory stone of his...where I have buried his fav things .I own that place Where I can sit for hours without any one telling me I can’t sit next to him. He is there in his spirit. But that doesn’t mean the graveyard shouldn’t be tended ..but as far as how is a very questionable thing... The wild plants grass have grown in rains.. It’s wild and beautiful is what I saw in the photo you are mentioning..it rains and plants come and they wither in the next season..and then one can clean it. Why should everything be exactly as per definition.. And the plants have grown may be for a purpose look closely.”

A post shared by Babil (@babil.i.k) on Sep 28, 2020 at 8:52am PDT

اداکارہ کے بیٹے بابل خان نے اسی حوالے سے اپنی والدہ کی پوسٹ بھی شیئر کی ہے جس میں عرفان خان کی اہلیہ نے ایک مداح کے اعتراض کا جواب دیا ہے۔

عرفان خان کی اہیلہ سوتاپا سِکدر کا کہنا تھا کہ قبرستان میں خواتین کو جانے کی اجازت نہیں ہوتی، اگت پوری میں جہاں میں نے عرفان کے ساتھ بہت وقت گزارا ہے وہاں میں نے رات کی رانی کا پودا نصب کیا ہوا ہے، وہاں میں گھنٹوں بیٹھ سکتی ہوں لیکن اس کا یہ مطلب نہیں کہ عرفان کی قبر سے کسی کو دلچسپی نہیں۔

سوتاپا سکدر کا کہنا تھا کہ قبر کے اطراف جنگلی پودے اور گھاس حالیہ بارشوں کے دوران اگی ہیں اور جو تصویر پوسٹ کی گئی ہے اس میں وہ جگہ خوبصورت لگ رہی ہے، یہ سب اگلے موسم تک خود سوکھ جائیں گے اور غور سے دیکھیں تو پودے کسی مقصد کے لئے لگائے گئے ہیں۔

واضح رہے کہ بھارتی شہرت یافتہ اداکار عرفان خان رواں سال 29 اپریل کو ممبئی کے اسپتال میں انتقال کرگئے تھے جس کے بعد ان کے پرستار اور بالی ووڈ کے بڑے نامور اداکار بھی ان کی موت کے غم میں شدید مایوس ہوگئے تھے۔