مرزا شاہی کی حالت شدید خراب۔۔۔ قریبی ساتھی اداکار نے عوام سے دعاؤں کی اپیل کردی

پاکستان کے مایہ ناز کامیڈین اور اداکار مرزا شاہی کی طبیعت سخت خراب ہے۔

اس بات کا انکشاف نامور اداکار و ہدایتکار یاسر نواز نے سماجی رابطے کی ویب سائٹ انسٹاگرام کے اکاؤنٹ کے ذریعے کیا۔

یاسر نواز نے اپنے مشہور مزاحیہ ڈرامہ 'نادانیاں' کی ایک تصویر شیئر کی، جس کے کیپشن میں تحریر کیا کہ ''برائے مہربانی مرزا صاحب کے لیے دعا کریں''۔

انہوں نے مزید لکھا کہ ''ان کی حالت انتہائی سنگین ہے، آپ سب کی دعاؤں کی بے حد ضرورت ہے''۔

View this post on Instagram

Please pray for Mirza Shai sahab. He is in critical condition and needs all your prayers.

A post shared by Yasir Nawaz (@itsyasirnawaz) on Sep 23, 2020 at 12:08am PDT

تاہم اداکار نے یہ واضح نہیں کیا کہ مرزا شاہی کس بیماری میں مبتلا ہیں۔

یاد رہے اداکار یاسر نواز، ندا یاسر، دانش نواز اور مرزا شاہی نے ایک ساتھ ڈرامہ نادانیاں میں اداکاری کی تھی، جو کہ 2009 میں نشر ہوا تھا۔