آج کے دورِ حاضر میں سائنس نے خوب ترقی کرلی ہے اور جس انداز سے سائنس نے اتنے کم عرصے میں پوری دنیا کی دلچسپی کو اپنی جانب متوجہ کیا ہے یہ ایک ناقابل یقین بات لگتی ہے مگر یہی حقیقت ہے۔
آج کل دنیا میں ورچوئل ٹیکنالوجی کا رحجان بڑھ چکا ہے اور اس کے استعمال میں تیزی سے اضافہ ہوا ہے کیونکہ یہ دیگر کے مقابلے میں بہت زیادہ پرکشش اور جدید ہے۔
کمپیوٹر استعمال کرنے والے صارفین گیمنگ کے لئے ورچوئل ٹیکنالوجی کا ہی استعمال کرتے ہیں۔
ان دنوں ایک مشہور کمپنی کی جانب سے کرکٹ گیم لانچ کرنے کی تیاری کے کام کا آغاز کردیا گیا ہے جس میں کھلاڑیوں کے بیٹنگ کے حقیقی انداز کو ریکارڈ کیا جائے گا۔
مشہور آسٹریلوی بلے باز گلین میکس ویل کرکٹ کے دیوانوں کے لئے بنائے جانے والے ویڈیو گیم کی ریکارڈنگ کے لئے پہنچے اور انہوں نے صارفین کے لئے اپنے مختلف شاٹس ریکارڈ کرائے جن کو خاص قسم کے سافٹ ویئر اور ہائی کوالٹی کیمرے کی مدد سے محفوظ کر لیا گیا تاکہ جب کوئی کھیلنے والا میکس ویل کا بطور بلے بازی کے لئے انتخاب کرے تو اس کو ایسا ہی لگے گا جیسے وہ میکس ویل کی طرح ہی کھیل رہا ہے۔
ورچوئل شاٹس کی ریکارڈنگ کے دوران آسٹریلوی کھلاڑی میکس ویل کا کہنا تھا کہ بچے اس گیم کو بہت پسند کریں گے۔