دنیا کی سب سے بہترین میسیجنگ اور آڈیو ویڈیو کالنگ ایپ واٹس ایپ سے کروڑوں لوگ مستفید ہورہے ہیں اور اس کے اپ گریڈ ہونے کا سلسلہ بھی جاری رہتا ہے جس کے باعث نئے فیچر سامنے آتے رہتے ہیں۔
واٹس ایپ نے اسکائپ، گوگل میٹ، اور زوم کے مد مقابل ایک نئے فیچر متعارف کرانے کی تیاری کا آغاز کردیا ہے۔
واٹس ایپ کی نگرانی کرنے والے ادارے ڈبلیو اے بیٹا انفو کی رپورٹ کے مطابق واٹس ایپ کا نیا فیچر ویڈیو کانفرنسنگ کے حوالے سے ہوگا مگر یہ دیگر سے بہت الگ اور منفرد ہوگا۔
رپورٹ کے مطابق اس فیچر کو مقبول ویڈیو کانفرنسنگ پلیٹ فارمز جیسے زوم، گوگل میٹ، اسکائپ اور دیگر کے مقابلے میں پیش کیا جارہا ہے۔
واٹس ایپ کے اس دلچسپ فیچر کو استعمال کرنے کا طریقہ کار کچھ یوں ہوگا کہ سب سے پہلے صارفین ایک چیٹ اوپن کر کے وہاں روم آپشن پر کلک کریں گے، جو نیچے اٹیچمنٹ ٹولز کے آپشنز میں موجود ہوگا۔ اس پر کلک کرنے کے بعد فیس بک میسنجر رومز ونڈو کھلے گی، جس کے بعد صارفین اپنے دوستوں کو ویڈیو کال میں شامل کرسکیں گے۔
رپورٹ میں بتایا کہ اس خاص فیچر کی آزمائش کا تجربہ کامیاب ہوتے ہی جلد ہی تمام صارفین کے لئے دستیاب کردیا جائے گا۔