موسم گرما میں کورونا وائرس سے جڑا ایک اہم راز سامنے آگیا، ماہرین پریشان

نوول کورونا وائرس سے پھیلنے والی بیماری کووڈ 19 سے متعل یہ تصور کیا جا رہا تھا کہ گرمی کی شدت کے باعث یہ وائرس دم توڑ جائے گا مگر حقیقت اس کے برعکس ہے۔ نئی تحقیق اس بات کا عندیہ دیتی ہے کہ مہلک وبا کورونا کا خاتمہ موسم گرما میں نہیں ہوگا۔

کینیڈا کے میڈیکل ایسوسی ایشن جرنل میں شائع ہونے والے مطالعے کے مطابق کووڈ 19 کیسز کا جائزہ لیا گیا۔

کورونا وائرس سے متعلق دریافت کیا گیا کہ بلند درجہ حرارت میں اس کے پھیلنے کی رفتار پر کوئی اثرات مرتب نہیں ہوں گے۔

سائنسدانوں نے یہ بھی دریافت کیا کہ عوامی سطح پر کیے جانے والے کورونا کی روک تھام کے لیے اقدامات جیسے اسکولوں کی بندش، سماجی فاصلہ اور بڑے اجتماعات پر پابندی ضرور مؤثر ہیں۔

تحقیق سے مزید معلوم ہوا کہ موسم گرما وائرس کے مسئلے کو دور کرنے والا نہیں، دوسری جانب مزید عوامی طبی اقدامات اس وبا کی رفتار کو سست کرسکتے ہیں، یہ اقدامات بہت اہم ہیں کیونکہ یہی چند اقدامات ہیں جو کورونا وائرس کی روک تھام میں مددگار ثابت ہو سکتے ہیں۔