کورونا کا علاج دریافت کر لیا گیا ہے۔۔۔ اسرائیلی حکومت کا بڑا دعویٰ

غیر ملکی میڈیا رپورٹس کے مطابق کورونا وائرس کا علاج دریافت کرنے کا اعلان اسرائیلی وزارتِ دفاع اور اسرائیلی انسٹیٹیوٹ برائے حیاتیاتی تحقیق کی جانب سے کیا گیا۔

تفصیلات کے مطابق اسرائیلی وزیر دفاع نفتالی بینیٹ نے مذکورہ تحقیقی ادارے کا دورہ کیا جہاں انہیں اس حوالے سے بریفنگ دی گئی۔ بعدازاں اسرائیلی وزیر دفاع کا کہنا تھا کہ اسرائیل نے ایک ایسی اینٹی باڈی تیار کر لی ہے جس سے کورونا کے علاج میں کامیابی مل سکتی ہے۔

ان کا کہنا تھا کہ یہ اینٹی باڈی کورونا وائرس کو مریض کے جسم کے اندر ہی تباہ کر سکتی ہے۔