کورونا وائرس کی وجہ سے کوما میں جانے والی ماں نے بچے کو جنم دے دیا... بچہ اور ماں دونوں صحت مند

امریکہ کی ایک خاتون کے گھر بچے کی پیدائش ہوئی لیکن حیران کن بات یہ ہے کہ بچہ کی پیدائش اس وقت ہوئی جب خاتون کوما میں تھیں۔

تفصیلات کے مطابق حاملہ خاتون کو اسپتال میں کورونا وائرس کا ٹیسٹ مثبت آنے کے بعد داخل کیا گیا تھا جس کے بعد دوران علاج وہ کوما میں چلی گئیں۔

برطانوی اخبار دی انڈیپینڈنٹ نے اپنی رپورٹ میں امریکی نشریاتی ادارے کی خبر کا حوالہ دیتے ہوئے بتایا ہے کہ امریکی ریاست واشنگٹن کے شہر وینکوور کی خاتون نے کوما کے دوران بچے کو جنم دیا۔

View this post on Instagram

Hey social media family and friend We are asking for prayer for my twin sister Angela, she has been diagnosed with Covid 19 and has been in the ICU for the last 3 days... and she is 33 weeks pregnant😭. She isn’t doing well, but we as her family are fixing our gaze on Jesus the miracle worker. We ask for prayer as prayer is powerful🙏🏻🙏🏻 we ask we unite as a community and pray for a miraculous healing.

A post shared by Oksana Luiten (@oksanaluiten) on Mar 29, 2020 at 3:40pm PDT

رپورٹ کے مطابق کوما میں جانے والی خاتون بچے کو جنم دینے کے 5 دن بعد ہوش میں آگئیں اور انہوں نے ایک ٹی وی پروگرام میں آن لائن شرکت کی، جہاں انہوں نے اس تجربے کو دنیا بھر کے لوگوں سے شئیر کیا۔

خاتون کے مطابق 'مارچ کے اختتام میں ان کی طبعیت خراب ہوگئی تو انہیں اسپتال لے جایاگیا۔ جہاں ان کا کورونا کا ٹیسٹ مثبت آیا، اس کے بعد انہیں علاج کے لیے اسپتال میں داخل کر لیا گیا'۔

خاتون کا کہنا تھا کہ 'وہ بالکل صحت مند تھیں اور ان کے کسی بھی رشتہ دار کو ان کے یوں اچانک بیمار ہونے اور پھر کوما میں چلے جانے کی امید نہ تھی، کوما میں مبتلا ہونے کے وقت وہ حمل کے 33 ویں ہفتے میں تھیں'۔

رپورٹ کے مطابق خاتون کو 30 مارچ کو ہسپتال میں داخل کیا گیا اور اگلے ہی دن وہ کوما میں چلی گئیں جب کہ یکم اپریل کو کوما کی حالت میں ان کےہاں بچے کی پیدائش ہوئی۔

تاہم بچے کی پیدائش کے 5 دن بعد 6 اپریل کو خاتون کوما سے باہر آئیں، اور یہ جان کر بے حد خوش ہوئیں کہ انہوں نے ایک بچے کو جنم دیا ہے، جبکہ خاتون کے اہلخانہ اسے معجزہ قرار دے رہے ہیں۔