بھارت کے بینک میں کام کرنے والے ایک ملازم نے مہلک کورونا وائرس سے بچنے کے لئے اپنے ساتھ استری رکھ لی۔
بھارتی میڈیا کی رپورٹ کے مطابق نجی بینک کا کیشیئر
پبلک سے پیسے وصولی یا ادائیگی کے دوران اپنے پاس استری رکھتا ہے اور وہ باہر سے آنے والے چیک پر گرم استری پھیرتا ہے تاکہ وائرس ختم ہو جائے۔
سوشل میڈیا پر وائرل ہونے والی اس ویڈیو میں دیکھا جاسکتا ہے کہ ایک صارف نے بینک کیشیئر
کو چیک دیا تو اُس نے اسے چمٹے کی مدد سے اٹھایا اور پھر اُس پر گرم استری پھیر دی۔
بینک کا دیگر عملہ بھی کیشیئر
کے اس اقدام کو دیکھ کر حیران ہوکر وہ ہنسنے پر مجبور ہوگئے۔ کیشئر کا ماننا ہے کہ چیک یا کرنسی پر گرم استری پھیرنے کے بعد وائرس ختم ہوجاتا ہے اور اس طرح کرنے سے وائرس سے محفوظ رہے گا۔
ٹوئٹر پر اس ویڈیو کو اپ لوڈ کرنے والے صارف نے لکھا کہ مجھے یہ ٹھیک نہیں معلوم کہ استری کرنے سے نوٹ جراثیم سے پاک ہوجاتا ہے یا نہیں مگر آپ کیشیئر
کی ایجاد کو قدر کی نگاہ سے دیکھیں۔