اندھیری رات میں آسمان پر پراسرار روشنی نمودار اور اچانک غائب، ویڈیو وائرل

ہماری ویب  |  Apr 08, 2020

جنوبی کوریا میں رات کی تاریکی میں آسمان پر ایک پراسرار روشنی دیکھی گئی جس کی ویڈیو سوشل میڈیا پر وائرل ہو رہی ہے۔

انٹرنیٹ پر وائرل ہونے والی ویڈیو میں دیکھا جاسکتا ہے کہ آسمان پر روشنی نمودار ہوئی اور پھر تھوڑی ہی دیر بعد غائب بھی ہو گئی۔

یہ پراسرار ویڈیو یوٹیوب پر اپ لوڈ کی گئی جس میں دیکھا گیا کہ ایک گاڑی میں سوار شخص رات کی تاریکی میں ویڈیو بنا رہا ہے اور اسی دوران اُس کی ویڈیو میں پراسرار روشنی چمکنے کا منظر بھی محفوظ ہو جاتا ہے۔

تیس سیکنڈ کی ویڈیو میں دیکھا جاسکتا ہے کہ آسمان پر پہلے بلب نما روشنی نمودار ہوئی پھر دوسری اور تیسری روشنی بھی تھوڑے فاصلے پر ایک ساتھ نظر آئی۔

کئی سوشل میڈیا صارفین کا اس ویڈیو فوٹیج سے متعلق خیال ہے کہ روشنی جہاز کی بھی ہو سکتی ہے جو شاید اتر رہا تھا جبکہ دیگر کا کہنا تھا کہ اگر یہ جہاز ہوتا تو روشنی کو آگے بڑھنا چاہئے تھا مگر وہ اُسی جگہ پر ختم ہو گئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More