تفصیلات کے مطابق ڈونلڈ ٹرمپ نے بھارت کے خلاف کارروائی کرنے کی دھمکی دی تھی جس کے بعد یہ خبر سامنے آئی ہے کہ نئی دہلی کی جانب سے ملیریا کی دوا کلوروکوین کی برآمد پر پابندی ہٹا دی ہے۔
امریکی صدر نے بھارت کو یہ دھمکی دی تھی کہ ہائڈروکسی کلوروکوئن دوا (جو ملیریا کی دوا ہے) کی کھیپ امریکہ نہ بھیجنے پر جوابی کارروائی کریں گے۔
اس سے متعلق برطانوی میڈیا کا کہنا تھا کہ بھارت مذکورہ ملیریا کی دوا خاصی بڑی مقدار میں بناتا ہے، جبکہ امریکی صدر ڈونلڈ ٹرمپ نے ہائڈروکسی کلوروکوئن کو کورونا کے خلاف جنگ میں گیم چینجر قرار دیا تھا۔
یاد رہے امریکی صدر ٹرمپ کا ہمیشہ سے ہی یہ ماننا تھا کہ ملیریا کی دوا کورونا کے خلاف گیم چینجر ہو سکتی ہے۔
تاہم ٹرمپ نے دوا ساز کمپنیوں کو کورونا کی زیرِ تجربہ دوائیں برطانوی وزیر اعظم بورس جانسن کو مہیا کرنے کی ہدایت کر دی۔ وائٹ ہاؤس میں بریفنگ کے دوران امریکی صدر نے بتایا کہ 2 امریکی کمپنیوں نے وائرس کا توڑ نکالا ہے، ان سے فوری لندن رابطہ کرنے کا کہا ہے۔ اب دیکھنا یہ ہے کہ وہ اس تجویز پر عمل کرنا چاہتے ہیں یا نہیں۔