عامر لیاقت حسین کی پہلی اہلیہ، سیدہ بشریٰ عامر سے سیدہ بشریٰ اقبال ہوگئیں

پاکستان تحریک انصاف کے رہنما عامر لیاقت حسین اور معروف ٹی وی میزبان کی پہلی اہلیہ سیدہ بشریٰ نے سماجی رابطے کی ویب سائٹ ٹوئٹر پر موجود اپنے اکاؤنٹ سے اپنے نام کے ساتھ 'عامر' ہٹا کر 'اقبال' لکھ لیا۔

کرپشن صرف پیسوں کی ہی نہیں رشتوں کی کرپشن بھی زہرِ قاتل ہوتی ہے۔#غورطلب

— Syeda Bushra Iqbal (@SBushraIqbal) June 25, 2018

تفصیلات کے مطابق ٹوئٹر پر عامر لیاقت کی اہلیہ کا نام اس سے قبل 'سیدہ بشریٰ عامر' تھا جبکہ اب یہ تبدیل ہوکر 'سیدہ بشریٰ اقبال' ہوگیا ہے۔

واضح رہے میزبان عامر لیاقت حسین نے کچھ عرصہ پہلے ہی سیدہ طوبیٰ سے دوسری شادی کی تھی جس کے بعد ان کی پہلی اہلیہ اور بچوں کے درمیان اختلافات پیدا ہو گئے۔