حال ہی میں شوبز انڈسٹری کو خیر باد کہنے والے فیروز خان کی اہلیہ علیزے فیروز خان نے شادی کی دوسری سالگرہ پر خوبصورت پیغام شئیر کیا۔
سوشل میڈیا ویب سائٹ انسٹاگرام پر فیروز خان کے ہمراہ تصویر شئیر کرتے ہوئے ان کی اہلیہ نے شادی کی دوسری سالگرہ کی پر مبارک باد پیش کی۔
فیروز خان کی اہلیہ نے کیپشن میں لکھا کہ ’مجھے ہمیشہ آپ کی ضرورت رہے گی چاہے ہم 90 سال کے بوڑھے بھی ہوجائیں اور ہماری آنکھوں کی بینائی بھی کم ہو جائے لیکن پھر بھی آپ میری آنکھوں کی چمک ہوں گے۔
اختتام میں علیزے نے ہیش ٹیگ 13 رجب اور ماشاءاللّہ کا بھی استعمال کیا۔
واضح رہے کہ مارچ 2018 میں فیروز اور علیزے شادی کے بندھن میں بندھے اور اسلامی کلینڈر کے حساب سے 13 رجب کو اپنی شادی کی سالگرہ منا رہے ہیں ۔