گستاخانہ زبان آپ کو احترام کے قابل نہیں بناتی۔۔۔ اداکارہ حنا خواجہ کا خلیل الرحمان قمر کے معاملے پر ویڈیو پیغام جاری

معروف اداکارہ حنا خواجہ کا کہنا ہے کہ بدتمیزی مرد کرے یا عورت دونوں کے لیے ہی غلط ہے۔

گزشتہ روز پاکستان شوبز انڈسٹری سے تعلق رکھنے والی معروف اداکارہ حنا خواجہ نے انسٹاگرام پر ایک ویڈیو پیغام جاری کیا جس میں انہوں نے عورت مارچ اور خلیل الرحمان قمر کے دو روز پہلے ہونے والے تنازعے پر اپنا ایک ویڈیو پیغام جاری کیا۔

حنا خواجہ نے اپنے ویڈیو پیغام میں کہا کہ ’بدتمیزی مرد کرے یا عورت غلط ہے، بدزبانی مرد کرے یا عورت غلط ہے، کسی کی بے عزتی مرد کرے یا عورت غلط ہے۔‘

View this post on Instagram

Bad behaviour is not empowerment, poor etiquette is not liberation, foul language doesn't make you more respectable.....it only exposes moral degradation! Men & Women were created to work together, side by side, shoulder to shoulder. Let's not make this a war between genders....let's not usurp each others rights.....let's learn to accept & support each other's strengths, weaknesses & differences 🙏 #auratmarch #marvisirmed #khalilurrehmanqamar #geoentertainment #humanism #feminism #misogyny

A post shared by Hina Khwaja Bayat (@hinakhwajabayatofficial) on Mar 6, 2020 at 3:20am PST

اداکارہ نے کہا کہ ’اِسے مرد اور عورت کی جنگ نہ بنائیے، غلط، غلط ہے اور صحیح، صحیح ہوتا ہے۔

اُنہوں نے لکھا کہ ’گستاخانہ زبان آپ کو احترم کے قابل نہیں بناتی بلکہ یہ صرف آپ کی اخلاقی پستی کو بے نقاب کر دیتی ہے۔‘

اُنہوں نے کہا کہ ’اللّہ تعالیٰ نے مرد اور عورت کو ایک دوسرے کا ساتھی بنایا ہے، اور مساوی حقوق عطا کئے ہیں۔

حنا خواجہ نے اپنی اِس پوسٹ کے کیپشن میں لکھا کہ ’بُرا سلوک بااختیار نہیں ہوتا، ناقص آدابِ آزادی کو آزادی نہیں کہتے۔‘

اُنہوں نے یہ بھی کہا کہ ’ساتھی برابری کا ہوتا ہے اونچ نیچ کا نہیں، مہربانی کر کے اِسے مرد اور عورت کی جنگ نہ بنائیں۔

اُداکارہ نے کہا کہ ’مرد اور عورت کو ایک دوسرے کے کندھے سے کندھا ملا کر چلنا چاہئے ساتھ ہی دونوں مل کر کام کرنے کے لیے پیدا کیا گیا ہے۔