پاکستان شوبز انڈسٹری کی خوبرو اداکارہ ماہرہ خان نے سماجی رابطے کی ویب سائٹ ٹوئٹر پر ٹوئٹ کیا اور یہ سوال پوچھا کہ آخر ہم مارچ کیوں کرتے ہیں۔
اداکارہ کا کہنا تھا کہ ہمیں محروم محروم افراد کے لئے مارچ کرنا چاہئیے۔
ماہرہ خان نےٹوئٹر پر کہا کہ 'بحیثیت ایک بااختیار عورت میں ان کے لیے مارچ کرتی ہوں جو میری طرح اختیارات نہیں رکھتے، ان کو وہ حقوق حاصل نہیں جو کہ مجھے اس وقت سے میسر ہیں جب سے میں پیدا ہوئی ہوں'۔
اداکارہ نے عورت مارچ سے اختلاف کرتے ہوئے کہا کہ 'کیا ہم اس پر خوش ہوں گے، کیا ہمیں اپنے نعروں اور لفظوں کے استعمال میں محتاط ہونا چاہیے؟ کیا ہمیں وہ پلے کارڈز تھامنا چاہیے جس کاز کے لیے ہم لڑ رہے ہیں؟'
ماہرہ خان کا مزید کہنا تھا کہ 'کیا ہم ان قوانین پر مبنی بینرز اٹھا سکتے ہیں جن کے نفاذ کے لیے ہم کوشاں ہیں، اور جن سے خواتین کو سالوں سے تکلیف پہنچ رہی ہے'۔
اداکارہ نے ٹوئٹر پر عورت مارچ کے حوالےسے پیغام دیتے ہوئے مزید کہا کہ 'کیا ہم نہیں چاہتے کہ زیادہ سے زیادہ لوگ یہ سمجھ سکیں کہ ہم کیوں مارچ کررہے ہیں؟ تو پھر ہم ایسے پوسٹرز کیوں اٹھاتے ہیں جو صرف اشتعال کا باعث بنتے ہیں'۔
اداکارہ کا کہنا تھا کہ 'ہم ایک ایسے ملک میں رہتے ہیں جہاں لوگ مساوی حقوق کے حصول کے نظریے کی جانب گامزن ہے'۔