شوبز انڈسٹری سے عارضی طور پر کنارہ کشی اختیار کرنے والے حمزہ علی عباسی کا کہنا ہے کہ انہوں نے اداکاری کو ختم نہیں کیا بس دوری اختیار کی ہے۔
سوشل میڈیا ویب سائٹ ٹوئٹر پر ان کی مہوش اعجاز نامی ایک مداح نے کہا کاش کہ حمزہ علی عباسی اداکاری نہ چھوڑتے۔
اداکار حمزہ علی عباسی نے صارف کو جواب دیتے ہوئے لکھا کہ 'جیسا کہ میں نے اپنی ویڈیو میں واضح کیا تھا کہ میں نے اداکاری کو خیر باد نہیں کہا اور میں نے ایسا کہیں لکھا نہیں دیکھا کہ اسلام میں اداکاری حرام ہے۔
حمزہ نے بتایا کہ مذہب کو زیادہ سے زیادہ سمجھنے اور اسے وقت دینے کے لئے اداکاری کو روکا۔
ان کا مزید کہنا تھا کہ وہ ایسے پروجیکٹس میں اداکاری بھی کریں گے جو اللہ کی طرف سے انسانوں کے لیے طے کردہ حدود کو دیکھتے ہوئے بنائے جائیں گے۔