پاکستان کی معروف اداکارہ عائزہ خان نے سماجی رابطے کی ویب سائٹ انسٹاگرام پر لاکھوں فالوورز کا سنگِ میل عبور کر لیا۔
تفصیلات کے مطابق پاکستان شوبز انڈسٹری میں نام بنانے والی اداکارہ عائزہ خان کے 50 لاکھ فالوورز مکمل ہو گئے جس کے بعد وہ اتنے فالوورز حاصل کرنے والی چوتھی پاکستانی اداکارہ بن گئیں۔
اِن سے قبل پاکستان کی بہترین اور سب سے زیادہ شہرت پانے والی اداکارہ ماہرہ خان نے گزشتہ سال اکتوبر میں انسٹاگرام پر 50 لاکھ سے زائد فالوورز مکمل ہونے کا اعزاز حاصل کیا تھا۔
ماہرہ کے بعد ایمن خان پاکستان کی دوسری اداکارہ تھیں جن کے انسٹاگرام پر 50 لاکھ سے زائد
فالوورز ہوئے تھے۔
ایمن خان کے بعد فالوورز کی دوڑ میں تیسرا نمبر اداکارہ ماورا حسین کا ہے جنہوں نے یہ کامیابی حاصل کی تھی۔
واضح رہے مقبول ڈرامہ سیریل میرے پاس تم ہو میں اداکارہ عائزہ خان نے بہترین کردار ادا کیا تھا جس کے بعد انہیں بے حد مقبولیت حاصل ہوئی۔