معروف اداکار جوڑی احد رضا میر اور سجل علی کی ڈھولکی کی تصاویر نے پورے سوشل میڈیا کی توجہ اپنی جانب مبذول کروا لی۔
سماجی رابطے کی ویب سائٹ انسٹاگرام پر اداکار احد رضا میر کی والدہ اور سجل کے بھائی نے اسٹوری شئیر کی تھی جس میں پھولوں کے درمیان کیک رکھا گیا تھا۔ کیک پر احد اور سجل کی ڈھولکی لکھا تھا، اس تصویر کے سامنے آنے کے بعد احد اور سجل کے مداح نہ صرف خوش ہیں بلکہ دونوں کو شادی کی مبارکباد بھی دینے کے لیے بے چین ہیں۔
واضح رہے دونوں اداکاروں کی جانب سے ابھی اس قسم کا کوئی اعلان نہیں کیا گیا۔
مداحوں کو اس تقریب کے دولہا اور دلہن کی تصویروں کا بے صبری سے انتظار ہے۔
یاد رہے کہ گزشتہ دنوں سجل کی جانب سے انسٹاگرام پر کچھ ایسی تصاویر شیئر کی جا رہی تھیں جس سے یہ اندازہ لگایا جاسکتا تھا کہ شادی کی تیاریاں زور و شور سے جاری ہیں۔
