مجھے ترک صدر اور عمران خان سے بہت امیدیں ہیں خدا انہیں۔۔۔۔۔۔ حمزہ علی عباسی نے ترکی صدر رجب طیب کی پاکستان آمد کے موقع پر اہم پیغام دے دیا

ہماری ویب  |  Feb 14, 2020

پاکستان شوبز کے سابق اداکار حمزہ علی عباسی نے ترکی کے صدر رجب طیب اردوان کی پاکستان آمد کے موقع پر کہا ہے کہ خدا ترکی اور پاکستان کو ہمیشہ آباد رکھے۔

ذرائع کے مطابق ترک صدر کی پاکستان آمد پر حمزہ علی عباسی نے وزیراعظم عمران خان اور رجب طیب اردوان کی تصویر سماجی رابطے کی ویب سائٹ ٹوئٹر پر شیئر کی اور پاک ترک دوستی کی اعلیٰ مثال دیتے ہوئے لکھا کہ پاک ترک دوستی اس حقیقت کی بہترین مثال ہے کہ تمام مسلمان آپس میں بھائی بھائی ہیں۔ مجھے ترک صدر اور عمران خان سے بہت امیدیں وابستہ ہیں۔ خدا انہیں اپنے کام میں مخلص رکھے، ان کی رہنمائی اور مدد کرے۔

واضح رہے کہ ترک صدر رجب طیب اردوان وزیر اعظم عمران خان کی دعوت پر 2 روزہ دورے کے لئے پاکستان آئے ہوئے ہیں۔ ترک صدر نے پارلیمنٹ کے مشترکہ اجلاس میں دل چھونے والا خطاب کیا اور پوری دنیا کو پاک ترک کی مضبوط دوستی کا پیغام دیتے ہوئے کہا کہ پاکستان کو بھرپور تعاون اور حمایت کا یقین دلاتا ہوں۔

حمزہ نے اپنے ٹوئٹر پیغام میں خاص طور پر ہیش ٹیگ ’PakTurkFriendship‘ کا بھی استعمال کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More