ہماری ویب | Apr 22, 2015
کراچی (نیٹ نیوز)میٹرک بورڈ کے تحت جاری سالانہ امتحانات 2015ٗء کے تیرہویں روز آج صبح کی شفٹ میں انگریزی پرچہ اول جماعت دہم جبکہ دوپہر کی شفٹ میں تجارتی جغرافیہ ،جغرافیہ (اختیاری )اور ملبو سات و پارچہ بافی کے پرچوں کا انعقاد ہوا ۔ اس موقع پر چئیرمین میٹرک بورڈ فصیح الدین خان نے شیخ خلیفہ بن زید ہائراسکول خیا بان راحت اورہائر سیکنڈری اسکول (برائے طالبات )فیز IV ڈیفینس کا سر پرائز وزٹ کیا جہاں طلباء و طالبات پر سکون ماحول میں پرچہ جات حل کر نے میں مصروف تھے ۔ چئیرمین بورڈ فصیح الدین خان نے کہا کہ طلباء و طالبات کی تعلیمی تربیت اور اصلاح کا کام پورے سال پر محیط ہونا چاہئے ۔ جبکہ کنٹرولر امتحانات نعمان احسن نے اپنے ایک بیان میں کہا کہ طلبا ء و طا لبات کی تعمیری سیرت کیلئے اساتذہ و والدین اپنا کردار ادا کریں ۔ علاوہ ازیں قائدین گورنمنٹ بوائز سیکنڈری اسکول پی ای سی ایچ ایس سے طا لب علم امتحانی کاپی لے کرفرار ہوگیاجس کے خلاف کیس رجسٹرڈ کرکے ڈسپلنری ایکشن کمیٹی کے سپرد کرکے ضابطے کی کارروائی کا حکم دے دیا ۔
Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More