داخلہ ٹیسٹ میں کامیاب ہونے والے طلباء 15 دسمبر تک داخلہ فیس جمع کراسکتے ہیں

سر سید یونیورسٹی آف انجینئرنگ اینڈ ٹیکنالوجی کے مطابق یونیورسٹی کے داخلہ ٹیسٹ میں کامیاب ہونے والے طلباء 15 دسمبر تک داخلہ فیس جمع کراسکتے ہیں۔ نئے تعلیمی سیشن کا آغاز 19 جنوری سے ہوگا اور اس سلسلے میں 19 جنوری کو ایکسپو سینٹر کراچی میں اورینٹیشن ڈے کا انعقاد ہوگا۔اس سال یونیورسٹی میں متعارف کرائے جانے والے نئے شعبہ الیکٹریکل انجینئرنگ کی ڈیمانڈ بہت زیادہ تھی اور یہ شعبہ طلباء کی ترجیحی لسٹ میں دوسرے نمبر پر تھا جب کہ پہلے نمبر پر سول انجینئرنگ تھا۔علاوہ ازیں سر سید یونیورسٹی کے تمام شعبہ جات کے فائنل سمسٹر امتحانات کا آغاز ہوچکا ہے اور یہ امتحانات 20 دسمبر تک جاری رہیں گے۔