فارم ڈی کے داخلہ فارم 27نومبر تک جمع کرائے جاسکتے ہیں

جامعہ کراچی کے ڈائریکٹر ایڈمیشن پروفیسر ڈاکٹر شکیل احمد خان کے اعلامیہ کے مطابق فارم ڈی (مارننگ اور ایوننگ پروگرام) میں سال2015 ء کیلئے داخلہ فارم 27نومبر2014ء تک جمع کرائے جا سکتے ہیں۔ فارم ڈی (مارننگ اور ایوننگ پروگرام) میں داخلے، داخلہ ٹیسٹ کی بنیاد پر دیئے جائیں گے۔واضح رہے کہ داخلہ ٹیسٹ کا انعقاد نیشنل ٹیسٹنگ سروس کے تحت وگا۔داخلہ فارم بمعہ کتابچہ 2000روپے کے عوض 27 نومبر تک یوبی ایل بینک کائونٹر واقع سلور جوبلی گیٹ جامعہ کراچی سے حاصل / جمع کرائے جاسکتے ہیں۔واضح رہے کہ فارم ڈی مارننگ اور ایوننگ پروگرام کا داخلہ ٹیسٹ 06 دسمبر کو منعقد ہوگا جبکہ حتمی داخلہ فہرست 15 دسمبر کو جاری کی جائے گی۔