جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی کام پرائیویٹ کے ضمنی امتحانی فارم جمع کرانے کی تاریخ میں بغیر لیٹ فیس کے16اکتوبر توسیع کردی گئی ہے۔طلبہ اپنے امتحانی فارم 3400روپے فیس برائے سال اول/ دوم اور6000روپے فیس برائے (سال اول ودوم باہم)کے ساتھ بینک کائونٹرز واقع سلورجوبلی گیٹ پر جمع کراسکتے ہیں ایسے طلبہ جو 2011ء یا اس سے قبل کی رجسٹریشن کے حامل ہیں وہ سپلیمنٹری امتحان 2013ء میں شرکت کے اہل ہونگے جبکہ ایسے طلبہ جو 2007ء یا اس سے قبل کی رجسٹریشن کے حامل ہیں اور ضمنی امتحان میں شرکت کے خواہش مند ہیں انہیں امتحانی فیس کے علاوہ 3000روپے اضافی چارجز بھی اداکرنا ہونگے۔واضح رہے کہ2000یا اس سے قبل کی رجسٹریشن کے حامل طلبہ کیلئے ضمنی امتحان 2013میں شرکت کا یہ آخری موقع ہے۔ ٭جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی اے پرائیویٹ کے سالانہ امتحانی فارم جمع کرانے کی تاریخ کا اعلان کردیا گیا ہے۔طلبہ اپنے امتحانی فارم 3075روپے فیس برائے سال اول/دوم اورکمبائنڈ کیلئے 5500روپے فیس کے ساتھ24 اکتوبر تک بینک کائونٹرز واقع سلورجوبلی گیٹ پر جمع کراسکتے ہیں۔واضح رہے کہ ایسے طلبا وطالبات جو 2012-13ءیا اس سے قبل کی رجسٹریشن کے حامل ہیں وہ سالانہ امتحانات برائے 2014ء کیلئے امتحانی فارم جمع کرانے کے اہل ہونگے۔