آئی ڈی پیزطلبہ کیلئے داخلوں میں 15؍اکتوبر تک توسیع

علامہ اقبال اوپن یونیورسٹی کا اہم اجلاس زیر صدارت پروفیسر ڈاکٹر عبدالحفیظ منعقد ہوا جس میں تمام ڈین، ڈائریکٹر ایڈمیشن، کنٹرولر آف ایگزامینیشن اور دیگر نے شرکت کی۔ اجلاس میں فیصلہ کیا گیا کہ پورے ملک میں جہاں جہاں بھی یونیورسٹی سے وابستہ طالب علم سیلاب سے متاثر ہیں اور جن کا تعلق آئی ڈی پیز سے ہے، ایس ایس سی سے لے کر پی ایچ ڈی تک کے ایسے طالب علموں کے داخلہ کیلئے15 اکتوبر تک تاریخ میں توسیع کی گئی ہے۔ ایسے فیصلے کی توثیق یونیورسٹی کے وائس چانسلر پروفیسر ڈاکٹر علی اصغر چشتی نے کردی ہے۔ اعلامیے کے مطابق میٹرک کیلئے لیٹ فیس 100 روپے، پی ٹی سی، انٹر میڈیٹ اور گریجویشن کیلئے 200روپے، بیچلر آف ایجوکیشن اور ماسٹرز کیلئے500 مقرر کی گئی ہے جو کہ شیڈو ل بینکوں کی برانچز میں جمع کرائے جاسکتے ہیں۔