جامعہ کراچی کے تعلیمی اعلانات

٭ جامعہ کراچی کے ناظم امتحانات کے اعلامیے کے مطابق ایم اے اور ڈبل ایم اے پرائیویٹ کے سالانہ امتحانی فارم جمع کرانے کی تاریخ کا اعلان کردیا گیا ہے۔طلبہ اپنے امتحانی فارم 05 جون تک 3000 روپے فیس برائے سال اول / دوم کے ساتھ بینک کائونٹر واقع سلور جوبلی گیٹ جامعہ کراچی پر جمع کراسکتے ہیں۔واضح رہے کہ ایسے طلبہ جو 2007 ء یا اس سے قبل کی رجسٹریشن کے حامل ہیں اور ایم اے سال اول / دوم کے سالانہ امتحان میں شرکت کے خواہشمند ہیں انہیں امتحان فیس کے علاوہ 5000 روپے اضافی چارجز بھی اداکرنا ہونگے۔ ٭ جامعہ کراچی کے سردار یاسین ملک پروفیشنل ڈیولپمنٹ فیسیلٹیز کے زیر اہتمام ’’ادبی سرقہ اور اس سے بچنے کے طریقے‘‘ کے موضوع پر دوروزہ ورکشاپ 15 سے 16 مئی منعقد کی جارہی ہے۔ مذکورہ ورکشاپ ٹیچرز،ریسرچ اسکالرز،ایم فل ،بی ایڈ اور ایم ایڈ کے طلبہ کے لئے بہت مفید ہوگی۔ورکشاپ کی ریسورس پرسن صائمہ زرین ہونگی۔ورکشاپ کے اوقات دوپہر ڈیڑھ بجے سے شام ساڑھے چار بجے تک ہونگے۔جبکہ ’’ملازمین کے خلاف انضباطی اقدام کے موضوع پر ایک روزہ ورکشاپ 17 مئی کو ہوگی۔