کراچی کے علاقہ گلشن معمار تھارو گوٹھ میں فائرنگ کرکے پولیس اہلکار کو قتل کردیا گیا۔
موصولہ اطلاعات کے مطابق پولیس اہلکار صدام حسین موٹر سائیکل کا پنکچر لگوارہا تھا کہ اس دوران نامعلوم ملزمان آئے اور اسے فائرنگ کا نشانہ بنانے کے بعد فرار ہوگئے۔
مقتول اہلکار صدام حسین کو چار گولیاں لگیں جسے شدید زخمی حالت میں قریبی نجی اسپتال منتقل کیا گیا جہاں وہ دوران علاج دم توڑ گیا، بعدازاں اس کی لاش ضابطے کی کارروائی کے لیے سرکاری اسپتال منتقل کی گئی۔
صدام حسین پیپلز پارٹی سے تعلق رکھنے والی رکن اسمبلی شاہدہ رحمانی کا گن مین بتایا جاتا ہے۔