سونے اورچاندی کی قیمت ملکی تاریخ کی بلند ترین سطح پر پہنچ گئی

ہماری ویب  |  Aug 30, 2025

سونے کی قیمت میں آج پھر بڑا اضافہ ریکارڈ ہوا جس کے بعد قیمت ملکی تاریخ کی بلند ترین سطح پر پہنچ گئی ہے۔

بین الاقوامی اور مقامی دونوں مارکیٹوں میں آج ہفتے کے روز سونے کی قیمتوں میں بہت بڑا اضافہ ریکارڈ ہوا۔ بین الاقوامی مارکیٹ میں سونا 36 ڈالر فی اونس مہنگا ہوگیا جس کے نتیجے میں نئی قیمت 3447 ڈالر فی اونس کی بلند ترین سطح پر پہنچ گئی ہے۔

اسی طرح مقامی صرافہ بازاروں میں بھی 24 قیراط کے حامل سونے کی قیمت میں 3 ہزار 600 روپے فی تولہ کا اضافہ دیکھنے میں آیا جس سے نئی قیمت 3 لاکھ 67 ہزار 400روپے فی تولہ ہوگئی۔

مقامی سطح پر سونے کی فی 10 گرام قیمت میں 2908 روپے کے اضافے کے بعد نئی قیمت 2 لاکھ 88 ہزار 747روپے ہوگئی ہے۔

اسی طرح فی تولہ چاندی کی قیمت 81 روپے کے اضافے سے 4 ہزار 202روپے اور دس گرام چاندی کی قیمت 69 روپے کے اضافے سے سے 3 ہزار 602 روپے کی سطح پر پہنچ گئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More