ایرانی وزیرخارجہ عباس عراقچی کا کہنا ہے ایران کے پاس جوہری ہتھیارنہیں لیکن تمام فریقین کیساتھ سفارتکاری کیلئے تیار ہیں۔
عباس عراقچی نے کہا کہ ہم نے کبھی ایٹمی ہتھیار حاصل کرنے کی کوشش نہیں کی اور نہ کرینگے، ایران ایٹمی ہتھیار چاہتا تو اسرائیلی جارحیت ایک بہترین بہانہ ہو سکتا تھا، ایران صرف اپنی حفاظت کے لیے کارروائی کرتا ہے۔
ایرانی وزیرخارجہ نے کہا کہ ایران نے اب تک صرف اسرائیل کوجواب دیا، اس کی مدد کرنے والوں کو نہیں ۔ ایران صرف اپنی حفاظت کے لیے کارروائی کرتا ہے۔ ایران بہادری اور فخر کے ساتھ اپنے دفاع کا حق استعمال کرے گا، دشمنوں کو سنگین غلطی کی بھاری قیمت چکانا پڑے گی۔
ان کا مزید کہنا تھا کہ نیتن یاہو نے جنگ سفارت کاری کو ختم کرنے کیلئے شروع کی ، ایران اسرائیلی حکومت کے علاقہ تمام فریقین کے ساتھ سفارت کاری کیلئے تیار ہے، ایران کا رویہ سنجیدہ، ذمہ دارانہ اور مستقبل پر نگاہ رکھنے والا ہے۔
عباس عراقچی نے کہا کہ دنیا اسرائیلی حکومت کی کوششوں کے بارے میں خبردار رہے، اسرائیل آگ کو پورے خطے میں اور اس کے باہر پھیلا نا چاہتا ہے ، جارحین کو ان کی سنگین غلطی کی بھاری قیمت چکانا پڑے گی، ایران بہادری اور فخر کے ساتھ اپنے دفاع کا حق استعمال کرے گا۔