سونے کی قیمت میں بڑی کمی۔۔ فی تولہ سونا سستا ہو کر کتنے کا ملنے لگا؟

پاکستان میں سونے کے نرخوں میں نمایاں کمی دیکھنے میں آئی ہے، جس نے خریداروں کو خوشخبری دے دی! آل پاکستان جیمز اینڈ جیولرز ایسوسی ایشن کے مطابق، فی تولہ سونا 3 ہزار روپے سستا ہو کر 3 لاکھ 4 ہزار روپے پر آ گیا ہے۔

نہ صرف فی تولہ بلکہ 10 گرام سونے کی قیمت میں بھی 2571 روپے کی کمی ریکارڈ کی گئی، جس کے بعد نئی قیمت 2 لاکھ 60 ہزار 630 روپے ہو گئی ہے۔

ملکی سطح پر قیمت میں یہ کمی عالمی مارکیٹ میں سونے کے نرخ گرنے کے باعث ہوئی ہے، جہاں فی اونس سونا 28 ڈالر کم ہو کر 2893 ڈالر پر آ گیا ہے۔