کرسٹیانو رونالڈو کی اپنے یوٹیوب چینل پر پیڈل پی ون فائنل کی لائیو سٹریمنگ

کرسٹیانو رونالڈو ریاض سیزن کے تحت کھیلے جانے والے پریمیئر پیڈل P1 ٹورنامنٹ کے فائنلز اپنے یوٹیوب چینل پر براہ راست نشر کریں گے۔

عرب نیوز کے مطابق رونالڈو کسی بھی نئے کھیل کی ہمیشہ حمایت کرتے ہیں اور اس ایونٹ میں دلچسپی ظاہر کر چکے ہیں لہذا یہ لائیو سٹریمنگ پیڈل کی ترقی میں رونالڈو کے تعاون کا اظہار ہے۔

ٹینس اور سکواش کا امتزاج سمجھا جانے والا کھیل پیڈل تیزی سے مقبول ہونے والا ریکیٹ سپورٹ ہے۔

حالیہ برسوں میں یہ کھیل خاص طور پر یورپ، لاطینی امریکہ اور مشرق وسطیٰ میں مقبول ہوا ہے۔

کرسٹیانو رونالڈو کے یوٹیوب چینل  کے74 ملین سے زائد فالوورز ہیں،130 سے زیادہ ممالک میں سٹریمنگ کی سہولت دستیاب ہو گی جس کے باعث لاکھوں شائقین دلچسپ مقابلہ  براہ راست دیکھ سکیں گے۔

رونالڈو اس کھیل کو عالمی سطح پر مقبول بنانے کے لیے سنجیدہ ہیں۔ فوٹو ریاض سیزنرونالڈو نے ریاض سیزن پریمیئر پیڈل P1 ٹورنامنٹ کے مقابلے دیکھنے کے علاوہ کھلاڑیوں کی حوصلہ افزائی بھی کی، یہ اقدام رونالڈو کے پیڈل کھیل کے فروغ میں بڑھتے ہوئے کردار کو ظاہر کرتا ہے۔

عالمی شہرت یافتہ فٹبالر اس کھیل کو بین الاقوامی سطح پر مقبول بنانے کے لیے سنجیدہ ہیں۔

ٹینس، سکواش کی طرح کا کھیل پیڈل تیزی سے مقبول ہو رہا ہے۔ فوٹو ریاض سیزنیہ ایونٹ ریاض سیزن کا حصہ ہے جو سعودی عرب میں کھیلوں اور تفریح کے سب سے بڑے ایونٹس میں سے ہے۔

لائیو سٹریمنگ پیر کو سعودی وقت کے مطابق شام 6 بجے شروع ہو گی جو پیڈل کے مداحوں میں اضافہ کرے گی اور اسے بین الاقوامی توجہ دلائے گی۔