اسلام آباد: وزیر اعظم شہباز شریف نے وفاقی کابینہ اراکان کی کارکردگی کا جائزہ لینے کا فیصلہ کر لیا۔
ذرائع کے مطابق وزیر اعظم شہباز شریف نے وفاقی حکومت کا ایک سال مکمل ہونے پر وفاقی کابینہ اراکین کی کارکردگی رپورٹ طلب کر لی۔ وزیر اعظم وزارتوں اور محکموں کی کارکردگی رپورٹ خود جانچیں گے۔
وزیر اعظم کی جانب سے ہدایت نامہ تمام وزارتوں کو جاری کر دیا گیا۔ اور گزشتہ ایک سال میں ہونے والے ریفارمز پر عملدرآمد رپورٹ طلب کر لی۔
ذرائع کے مطابق وزیر اعظم نے ایک سال کے دوران دی گئی نوکریوں کی تفصیلات بھی مانگ لیں۔
یہ بھی پڑھیں: جماعت اسلامی کا بجلی بلوں میں ریلیف کیلئے نئی تحریک شروع کرنے کا اعلان
جاری کردہ مراسلے کے مطابق وزارتوں اور اداروں کی طرف سے 12 ماہ میں اصلاحات کی تفصیلات فراہم کی جائیں۔ پالیسی میں تبدیلی، ڈھانچہ جاتی ایڈجسٹمنٹ اور گورننس میں اضافہ پر بریف کیا جائے۔
ذرائع کے مطابق سرکاری اداروں میں اصلاحات لانے میں کتنی کامیابی ملی؟ وزارتوں کو جواب دینا پڑے گا۔ وفاقی حکومت اس سال ایک لاکھ 50 ہزار خالی سیٹوں کو ختم کر دے گی۔ جبکہ سرکاری محکموں میں ڈیلی ویجز کی سیٹیں بھی ختم کر دی جائیں گی۔