"کراچی میں گزشتہ رات برفانی ہواؤں کے ساتھ سردی کا راج رہا، کم سے کم درجہ حرارت 08 ڈگری سینٹی گریڈ جبکہ محسوس ہونے والا درجہ حرارت 06 ڈگری سینٹی گریڈ تک گر گیا۔"
پاکستان محکمہ موسمیات (پی ایم ڈی) کے مطابق یہ سرد لہر کوئٹہ کی یخ بستہ ہواؤں کے باعث ہے جس کی وجہ سے کراچی میں محسوس ہونے والا درجہ حرارت نمایاں طور پر کم ہوا۔
محکمہ موسمیات نے پیش گوئی کی ہے کہ کراچی کے شہریوں کو آج سے موسم کی سختی میں معمولی کمی کا سامنا ہوگا، لیکن 12 جنوری سے ایک اور سرد لہر کے آغاز کا امکان ہے۔
محکمہ نے مزید کہا ہے کہ صوبے کے زیادہ تر اضلاع میں موسم خشک اور سرد رہے گا۔
تاہم، محکمہ موسمیات نے پیش گوئی کی ہے کہ سکھر، خیرپور، سانگھڑ اور آس پاس کے علاقوں میں ہلکی بارش اور گرج چمک کے ساتھ بارش متوقع ہے، جبکہ عمرکوٹ، تھرپارکر اور کراچی میں بونداباندی بھی ہو سکتی ہے