بجلی کی طویل اور پریشان کن لوڈشیڈنگ سے چھٹکارا حاصل کرنے کے لیے پاکستان میں گھریلو صارفین تیزی سے سولر سسٹمز کا رخ کر رہے ہیں۔ تاہم، بڑھتی ہوئی ڈیمانڈ کے ساتھ سولر سسٹمز کی قیمتوں میں بھی نمایاں تبدیلی دیکھنے کو ملی ہے۔
میڈیا رپورٹس کے مطابق، نومبر کے مہینے میں 5 سے 15 کلو واٹ کے سولر سسٹمز کی قیمتوں میں بڑی تبدیلی ہوئی ہے۔ مارکیٹ میں دستیاب مختلف کمپنیوں نے آن گرڈ سسٹمز کی قیمتوں میں اضافہ کیا ہے، جبکہ ہائبرڈ سسٹمز خریدنے والے صارفین کو بیٹریوں کے لیے الگ سے اضافی رقم بھی خرچ کرنا پڑے گی۔
رواں ماہ 5 کلو واٹ کے سولر سسٹم کی قیمت میں ایک لاکھ روپے کا اضافہ ہوا ہے، جس کے بعد یہ سات لاکھ پچاس ہزار روپے تک پہنچ گئی ہے۔ اسی طرح 7 کلو واٹ کے سسٹم کی قیمت میں ایک لاکھ پچاس ہزار روپے کا اضافہ ہوا، جس کے بعد اس کی قیمت اب آٹھ لاکھ پچاس ہزار روپے ہوگئی ہے۔
10 کلو واٹ سسٹم کی قیمت میں دو لاکھ روپے کا بڑا اضافہ دیکھنے کو ملا اور اس کی نئی قیمت گیارہ لاکھ پچاس ہزار روپے ہو گئی ہے۔