انٹرنیشنل کرکٹ کونسل ( آئی سی سی ) کی نئی پلیئرز رینکنگ میں قومی ٹیسٹ ٹیم کے نائب کپتان سعود شکیل ٹاپ ٹین میں شامل ہو گئے۔
آئی سی سی کی نئی ٹیسٹ پلیئرز رینکنگ کے مطابق سعود شکیل 20 درجے ترقی کے بعد 7 ویں نمبر جبکہ بابر اعظم بھی ایک درجہ ترقی پا کر 19 سے 18 ویں نمبر پر آ گئے ہیں۔
آئی سی سی نے نئی ٹیسٹ رینکنگ جاری کر دی، بابر کی تنزلی، رضوان کی ترقی
ٹیسٹ بیٹرز میں انگلینڈ کے جوروٹ کی پہلی پوزیشن برقرار ہے جبکہ نیوزی لینڈ کے کین ولیمسن کا دوسرا نمبر ہے، بھارت کے یشسوی جیسوال ایک درجے ترقی کے بعد تیسرے جبکہ ویرات کوہلی 6 درجے تنزلی کے بعد 14 ویں نمبر پر چلے گئے ہیں۔
نیوزی لینڈ کے راچن رویندرا بھی ٹاپ ٹین میں شامل ہو گئے، راچن رویندرا 8 درجے ترقی کے بعد 10 ویں نمبر پر آ گئے ہیں۔