Getty Images
سری لنکا میں ایک اطالوی شہری اور ان کے بیٹے پر سینکڑوں مقامی حشرات کو سمگل کرنے کی کوشش کرنے کے جرم میں چھ کروڑ سری لنکن روپے (دو لاکھ امریکی ڈالر) جرمانہ عائد کر دیا ہے۔
ان حشرات میں 92 مقامی تتلیاں بھی شامل ہیں۔ یالا نیشنل پارک میں رینجرز نے 68 سالہ لوئگی فراری اور 28 سالہ ماٹیا کو 8 مئی کو گرفتار کیا تھا اور اس وقت ان کے پاس سے حشرات بھی برآمد ہوئے تھے۔
تحقیقات کے نتیجے میں یہ بات سامنے آئی ہے کہ دونوں افراد نے جانوروں کی باقیات کا استعمال کرتے ہوئے حشرات کو اپنی طرف متوجہ کیا اور ان کا ارادہ تھا کہ وہ موم کا استعمال کرتے ہوئے ان حشرات کو کیمیائی طور پر محفوظ کریں گے۔
دونوں افراد کو ستمبر کے آغاز میں حشرات کو غیرقانونی طور پر پکڑے اور انھیں سمگل کرنے کا قصوروار قرار دیا گیا اور ان پر جنگلی حیات کو نقصان پہنچانے پر جُرمانہ عائد کیا گیا تھا۔
پارک رینجرز میں کے سُجیوا نشانتھا نے بی بی سی کو بتایا کہ واقعے والے روز سفاری جیپ کے ایک ڈرائیور نے رینجرز کی ٹیم کو بتایا تھا کہ سڑک پر ایک ’مشکوک کار‘ کھڑی ہوئی ہے اور وہاں جنگل میں دو افراد ایک جال لیے گھوم رہے ہیں۔
300 فٹ بلند درخت پر پھنسا تیندوا اور 1000 فٹ گہری کھائی: ’ڈر تو لگ رہا تھا مگر سوچا کہ میرا رزق اس جنگلی حیات کی وجہ سے ہے‘کیچ میں ہرن، تلور اور خرگوش کے شکار کی وائرل ویڈیو: ’ہم نے ان کو اڑتے ہوئے مارا ہے‘انڈیا: دو نر چیتوں کے ساتھ جنسی عمل کے دوران زخمی ہونے والی مادہ چیتا ہلاک’سونے سے بھی مہنگی خوشبو‘ کے حصول کی خواہش جو پاکستان میں کستوری ہرن کو معدومیت کا شکار کر رہی ہے
رینجرز اس کار کو ڈھونڈنے میں کامیاب ہوئے اور انھیں اس گاڑی کی ڈگّی میں حشرات سے بھرے سینکڑوں بوتلیں بھی ملیں۔
نشانتھا کہتے ہیں کہ ’تمام حشرات ہمیں مردہ حالت میں ملے، کیونکہ ملزمان نے ان پر کیمیکل ڈال دیا تھا۔‘
’ان بوتلوں میں 300 سے زائد حشرات موجود تھے۔‘
ابتدائی طور پر دونوں افراد 810 الزامات عائد کیے گئے تھے، تاہم بعد میں انھیں کم کر کے 30 کر دیا گیا۔
اطالوی شخص اور ان کا بیٹا اگر جُرمانہ ادا کرنے میں ناکام ہوئے تو انھیں دو سال قید میں گزارنے ہوں گے۔
اطالوی میڈیا کی اطلاعات کے مطابق لوئگی اور ماٹیا گرفتاری کے وقت سری لنکا میں چھٹیاں منا رہے تھے۔
Getty Images
یالا نیشنل پارک سری لنکا جنوب مشرقی حصے میں واقع ہے اور اس کا شمار ملک کے سب سے مقبول وائلڈ لائف پارکس میں ہوتا ہے جہاں تیندوے، ہاتھی اور بھینسوں سمیت متعدد جانور موجود ہیں۔
لوئگی فراری ہڈیوں کے سرجن ہیں جو کہ ٹانگوں اور ٹخنوں کے زخموں کا علاج کرنے میں مہارت رکھتے ہیں۔ ان کے دوستوں کا کہنا ہے کہ لوئگی حشرات میں انتہائی دلچسپی رکھتے ہیں۔
ایک اطالوی اخبار کے مطابق ان کے دوستوں اور ساتھیوں نے سری لنکا میں حکومت سے اپیل کی ہے کہ وہ لوئگی پر رحم کریں۔ کچھ کا کہنا ہے کہ ان کے دوست کے پاس سے جو تتلیاں برآمد ہوئی ہیں ان کی انٹرنیشنل مارکیٹ میں کوئی قیمت نہیں۔
ماحولیاتی قوانین پر عبور رکھنے والے ڈاکٹر جگتھ گُناوردینا کہتے ہیں کہ دو لاکھ ڈالر کا جُرمانہ باقی جرائم پیشہ افراد کے لیے نہ صرف ایک وارننگ ہے بلکہ ایک اچھی مثال بھی ہے۔
کیچ میں ہرن، تلور اور خرگوش کے شکار کی وائرل ویڈیو: ’ہم نے ان کو اڑتے ہوئے مارا ہے‘300 فٹ بلند درخت پر پھنسا تیندوا اور 1000 فٹ گہری کھائی: ’ڈر تو لگ رہا تھا مگر سوچا کہ میرا رزق اس جنگلی حیات کی وجہ سے ہے‘سانگھڑ: ’اونٹنی کو مصنوعی ٹانگ لگنے میں وقت لگے گا، زخم بھرنے کا انتظار کرنا ہوگا‘ انڈیا: دو نر چیتوں کے ساتھ جنسی عمل کے دوران زخمی ہونے والی مادہ چیتا ہلاککیچ میں ہرن، تلور اور خرگوش کے شکار کی وائرل ویڈیو: ’ہم نے ان کو اڑتے ہوئے مارا ہے‘وہ افسر جس نے پنجاب پولیس کے ریٹائرڈ کتوں کو انجیکشن دے کر مارنے سے بچایا