خبردار ہوشیار، آن لائن فراڈ کیلئے نیا طریقہ سامنے آگیا

پاکستان میں آن لائن فراڈ کا نیا طریقہ آگیا، جس کا نام ‘فشنگ اسکیم’ ہے، تاہم اب کچھ لوگ اس فراڈ سے بچ گئےاور کچھ لوگ اس کا شکار ہوگئے۔

تفصیلات کے مطابق پاکستان میں سوشل میڈیا پلیٹ فارم سے فراڈ کے نت نئے طریقے آتے جارہے ہیں، کسی انعام کا لالچ دے کریا کسی کمپنی کی پرکشش پیشکش دے کربینک اکاؤنٹس کی تفصیل پوچھی جاتی ہے، کسی ایمرجنسی، یا شادی بیاہ میں رشتہ داریا دوست بن کرپیسے مانگے جاتے ہیں۔

اب فراڈ کا نیا طریقہ مارکیٹ میں آیا ہے، جسے فشنگ اسکیم کا نام دیا گیا ہے۔

جس میں ہوتا ہے یہ ہے کہ آپ کو ایک پیغام ملتا ہے، جس میں بتایا جاتا ہے کہ آپ کا ایک کورئیرپارسل ہے لیکن آپ کا ایڈریس نامکمل ہے،مکمل ایڈریس بھیجیں تاکہ پارسل بھیج سکیں۔

اس طریقے میں پیغام کے ساتھ ہی ایک لنک منسلک ہوتا ہے، جس میں جب آپ جاتے ہیں تو پہلے ایڈریس مانگا جاتا ہے اورپھر دیگر تفصیلات کےعلاوہ اے ٹی ایم یا ڈیبیٹ کارڈ کی تفصیل اوراو ٹی پی مانگا جاتا ہے۔

جس نے بھی یہ تفصیلات دیں ان کے کارڈ پر یواے ای سے چارسو ریال تک چارج کرنے کی کوشش کی گئی ، کچھ لوگ اس فراڈ سےبچ گئے جب کہ کچھ لوگ اس کا شکار ہوگئے۔