دو ٹیسٹ میچوں پر مشتمل سیریز کے پہلے میچ میں پاکستان کی جانب سے بنگلہ دیش کو جیت کے لیے 30 رنز کا ہدف دیا گیا ہے۔
راولپنڈی میں جاری پہلے ٹیسٹ کے پانچویں دن دوسری اننگز میں پاکستان کی پوری ٹیم 146 رنز پر ڈھیر ہوگئی۔
دوسری اننگز میں پاکستان کی جانب سے محمد رضوان نے 51، عبداللہ شفیق نے 37 اور بابر اعظم نے 22 رنز بنائے۔
بنگلہ دیش کی جانب سے مہدی حسن میراز نے چار، شکیب الحسن نے تین اور شوریفُل اسلام نے ایک وکٹ حاصل کی۔
اس سے قبل بنگلہ دیشی ٹیم اپنی پہلی اننگز میں 565 رنز بنا کر آؤٹ ہوگئی تھی۔
بنگلہ دیش نے پاکستان پر پہلی اننگز میں 117 رنز کی برتری حاصل کی۔
خیال رہے کہ پاکستانی ٹیم نے اپنی پہلی اننگز 6 وکٹوں کے نقصان پر 448 رنز بنا کر ڈیکلیئر کر دی تھی۔
دونوں ٹیموں کے درمیان یہ ٹیسٹ سیریز آئی سی سی ورلڈ ٹیسٹ چیمپیئنز شپ کا حصہ ہے۔
پلیئنگ الیوناس میچ کے لیے پاکستان کی پلیئنگ الیون میں عبداللہ شفیق، صائم ایوب، شان مسعود (کپتان)، بابر اعظم، سعود شکیل، محمد رضوان (وکٹ کیپر)، سلمان علی آغا، شاہین آفریدی، نسیم شاہ، محمد علی اور خرم شہزاد شامل ہیں۔
بنگلہ دیش کی پلیئنگ الیوناس میچ کے لیے بنگلہ دیش کی ٹیم میں نجم الحسین شانتو (کپتان)، شادمان اسلام، ذاکر حسن، مومن الحق، مشفیق الرحیم، شکیب الحسن، لٹن کمار داس (وکٹ کیپر)، مہدی حسن میراز، شوریفُل اسلام، حسن محمود اور ناہید رانا شامل ہیں۔