دو ٹیسٹ میچوں پر مشتمل سیریز کے پہلے میچ میں پاکستان کی بنگلہ دیش کے خلاف دوسری اننگز جاری ہے۔
راولپنڈی میں جاری پہلے ٹیسٹ کے پانچویں دن اب سے کچھ دیر پہلے تک پاکستان نے 7 وکٹوں کے نقصان پر 111 رنز بنا لیے تھے۔
پاکستان کی جانب سے کریز پر نسیم شاہ اور محمد رضوان موجود ہیں۔
پاکستان کو بنگلہ دیش کا دوسری اننگز کا خسارہ ختم کرنے کے لیے مزید 6 رنز درکار ہیں۔
دوسری اننگز میں پاکستان کے آؤٹ ہونے والے کھلاڑیوں میں صائم ایوب، کپتان شان مسعود، شان مسعود، سعود شکیل، عبداللہ شفیق، سلمان علی آغا اور شاہین آفریدی شامل ہیں۔
اس سے قبل بنگلہ دیشی ٹیم اپنی پہلی اننگز میں 565 رنز بنا کر آؤٹ ہوگئی تھی۔
بنگلہ دیش نے پاکستان پر پہلی اننگز میں 117 رنز کی برتری حاصل کی۔
خیال رہے کہ پاکستانی ٹیم نے اپنی پہلی اننگز 6 وکٹوں کے نقصان پر 448 رنز بنا کر ڈیکلیئر کر دی تھی۔
دونوں ٹیموں کے درمیان یہ ٹیسٹ سیریز آئی سی سی ورلڈ ٹیسٹ چیمپیئنز شپ کا حصہ ہے۔
پلیئنگ الیوناس میچ کے لیے پاکستان کی پلیئنگ الیون میں عبداللہ شفیق، صائم ایوب، شان مسعود (کپتان)، بابر اعظم، سعود شکیل، محمد رضوان (وکٹ کیپر)، سلمان علی آغا، شاہین آفریدی، نسیم شاہ، محمد علی اور خرم شہزاد شامل ہیں۔
بنگلہ دیش کی پلیئنگ الیوناس میچ کے لیے بنگلہ دیش کی ٹیم میں نجم الحسین شانتو (کپتان)، شادمان اسلام، ذاکر حسن، مومن الحق، مشفیق الرحیم، شکیب الحسن، لٹن کمار داس (وکٹ کیپر)، مہدی حسن میراز، شوریفُل اسلام، حسن محمود اور ناہید رانا شامل ہیں۔