"پہلے کئی بار عمرہ ادا کرنے کا سوچ چکا تھا لیکن کبھی عمل نہیں کرسکا. پھر میرے دوست نے سمجھایا کہ عمرہ ادا کرنے کے لئے جانا چاہیئے اس سے تمام پریشانیاں ختم ہوجائیں گی. وہ وقت یاد کر کے آج بھی رونگٹھے کھڑے ہو جاتے ہیں. جب پہلی بار اللہ کے گھر کی زیارت کی، تو بہت سکون ملا. اس بات پر اللّٰہ تعالیٰ کا جتنا شکر ادا کروں وہ کم ہے۔ اس کے بعد سے اب تک دو تین بار بلاوا آچکا ہے"
یہ کہنا ہے سینئر اور منجھے ہوئے اداکار سہیل سمیر کا جنھوں نے حالیہ انٹرویو میں اپنی زندگی میں پیش آنے والے معجزات کا ذکر کیا.
سہیل سمیت نے انکشاف کیا کہ میں نے زندگی میں حقیقتاً معجزے کا تجربہ کیا ہے۔ میری بیٹی کی پیدائش قبل از وقت ہوئی تھی اور پیدا ہوتے ہی بیٹی بیمار ہوگئی تھی۔ جب میں پریشانی میں اسے اسپتال لے کر جارہا تھا تو بیوی نے بتایا کہ بچی کی سانس رک گئی ہے
یہ سن کر میں نے اللّٰہ سے دعا مانگی کہ تو ہی زندگی سے نوازتا ہے اور موت بھی دینے والا ہے. اگر تو نے میری بیٹی کو زندگی سے نوازا تو میں اسے قرآن حافظ بناؤں گا۔
"پھر میں بیٹی کو لے کر اسپتال میں پہنچا ہی تھا کہ بیٹی کی سانسیں چلنے لگیں، یہ واقعہ کسی معجزے سے کم نہیں ہے۔
آج میری بیٹی بالکل ٹھیک اور قرآن حافظہ ہے"