"زندگی میں ایک وقت ایسا بھی آیا جب میں بہت تلخ ہوگئی تھی۔ اس وقت میری سوچنے سمجھنے کی صلاحیت ختم ہوچکی تھی. اگر کوئی کچھ کہہ دیتا تھا تو صاف انکار کردیتی تھی"
یہ کہنا ہے معروف اداکارہ سلمیٰ حسن کا جنھوں نے گزشتہ روز سماء نیوز کے مارننگ شو میں شرکت کرتے ہوئے ذہنی تناؤ کے موضوع پر گفتگو کی
سلمیٰ حسن کا کہنا تھا کہ مجھے جلد ہی اپنی کیفیت کا اندازہ ہوگیا تھا اور اس وجہ سے میری بیٹی فاطمہ بھی کم عمری میں متاثر ہورہی تھی. صرف بیٹی کی خاطر ماہرین سے رابطہ کیا تھا اور 8 برس تک علاج کروایا جس کے بعد اب بہتر محسوس کرتی ہوں.
واضح رہے کہ کہ سلمیٰ حسن کی شادی اداکار اور ڈائریکٹر اظفر علی سے کیرئیر کے ابتدا میں ہی ہوگئی تھی البتہ یہ شادی چند سالوں بعد ختم ہوگئی.