بھارتی اداکارہ سونم کپور کو بھی ان دنوں بنگلہ دیش کے حالات نے اپنی جانب متوجہ کر کے پریشان کردیا ہے۔
بنگلادیش میں ایک ماہ سے جاری مظاہروں کے بعد گزشتہ روز وزیر اعظم شیخ حسینہ واجد نے اپنے عہدے سے استعفیٰ دے دیا، جس پر پوری دنیا مختلف طرح سے اپنی رائے اور تشویش کا اظہار کر رہی ہے۔
اور اب سونم کپور نے بھی اپنی انسٹاگرام اسٹوری میں بنگلہ دیشی عوام سے موجودہ حالات پر ہمدردی کا اظہار کیا ہے۔
سونم کپور نے جاری مظاہروں سے متعلق پوسٹ شیئر کی اور لکھا کہ "یہ انتہائی خوفناک ہے! آئیں، ہم سب مل کر بنگلادیشی عوام کے لیے دعا کریں۔"
یاد رہے کہ بنگلہ دیش میں کوٹہ سسٹم کے خلاف پرتشدد مظاہروں کے دوران 91 افراد ہلاک اور 100 سے زائد زخمی ہوگئے ہیں۔