بنگلہ دیش میں طلبہ کی جانب سے شروع ہونے والی سول تحریک کے چلتے حالات اب کنٹرول سے باہر ہوگئے ہیں۔
تازہ ترین میڈیا رپورٹ کے مطابق، بنگلا دیش کی وزیرِ اعظم شیخ حسینہ واجد نے اپنے عہدے سے استعفیٰ دے دیا ہے۔
اور اب ذرائع سے پتہ چلا ہے کہ شیخ حسینہ واجد فوجی ہیلی کاپٹر کے ذریعے بھارت پہنچ گئیں ہیں۔
بھارتی میڈیا کے مطابق، وہ بھارتی شہر اگرتلہ پہنچی ہیں، جہاں بھارتی انتظامیہ شیخ حسینہ کو محفوظ راستہ فراہم کرنے کے لیے تیار ہے۔
خبر ایجنسی کے مطابق، شیخ حسینہ واجد نے محفوظ مقام پر منتقلی سے قبل تقریر ریکارڈ کرانے کی بھی کوشش کی تھی لیکن ان کو تقریر ریکارڈ کرانے کا موقع نہیں دیا گیا۔
بھارتی میڈیا کے مطابق، بنگلادیشی وزیرِاعظم شیخ حسینہ بھارت سے فن لینڈ روانہ ہوں گی۔