گزشتہ چند مہینوں سے بجلی کے بھاری بھرکم بلوں سے پریشان اداکار راشد محمود کئی بار شکایتی وی لاگ بنا چکے ہیں البتہ حال ہی میں ایک شو کے دوران انھوں نے کچھ ایسا کہہ دیا جس سے عوام الٹا ان پر ہی سیخ پا ہوگئے.
ماضی کے مشہور اداکار راشد محمود نے میزبان کے ایک سوال کا جواب دیتے ہوئے کہا کہ میں بہت غلط ملک میں پیدا ہوگیا ہوں. اس ملک میں پیدا ہونے کے بعد جو میں اب تک برداشت کر چکا ہوں. لگتا ہے اب اگلے جنم میں، میں مزید عذاب سے بچ جاؤں گا۔ اگر مجھے ایک اور زندگی ملی تو مجھے لگتا ہے کہ مجھے کسی اور ملک میں پیدا ہونا چاہئے"
راشد محمود کے اس انٹرویو کے منظرعام پر آتے ہی صارفین نے انھیں آڑے ہاتھوں لے لیا. لوگوں کا کہنا تھا کہ اسلام میں دوسرے جنم کا کوئی تصور نہیں ہے۔
جبکہ ایک اور صارف کے مطابق بحیثیت مسلمان ہم دوسرے جنم پر یقین نہیں رکھتے، یہ کافروں کا عقیدہ ہے.